فته شاورما لحمه 

المقادير :
نصف كيلو لحمة مقطعة تقطيع شاورما 
ملعقة صغيرة (بصل بودر -ثوم بودر -كمون -جوزة الطيب -سبع بهارات-
رشة قرفة -ملح-فلفل - ملعقة كبيرة بابريكا )
3ملعقة كبيرة خل
شرائح بصل
شرائح طماطم
4ملعقة كبيرة بقدونس 
ارز الفتة :
2كوب ارز بسمتي
2ونصف كوب ماء مغلي
ملح
فلفل اسود
كاري
كركم
مكعب مرقة 
عيش شامي محمص

الطريقة :
1- في حلة انزل مكعبين زبدة وزيت يسخنم كويس انزل بالرز واقلبه في الزيت والزبدة وانزلة مكعب المرق والكركم والكاري وملح وفلفل واقلبهم مع بعض اشوحة شوية يسخن وانزل المية سخنة ويكونو اعلي من الرز بعقلتين صوباع واسيبة يغلي ويتشرب واهدي النار واسيبة يستوي .
2- لعمل الشاورما انزل الملح والفلفل والكمون وجوزة الطيب والبهارات والقرفة والبابريكا والبصل والثوم البودر والخل واقلب المكونات دي مع بعضها واغطيها واسبها ساعة او ساعة ونص والافضل قبلها بليلة .
3- في طاسة سخنة فيها زيت يسخن كويس وانزل بالشاورما واوزعها وانا بنزلها واقلب هيا هتنزل ميتها وكل ده ع نار عالية طبعا واقلب من وقت للتاني لغاية متشرب ميتها كده تبقا استوت واستناها تاخد تحميرة لسعة كده وانزل بقا الخضار البصل وتقليبة وانزل الطماطم ودقيقة كده مع بعض وانزل البقدونس وتقليبة واطفي .
4- قدمي بقا في سرفيس العيش المحمص والرز وعليهم الشاورما وزيني بمايونيز .