كحك بالسكر 

المقادير :
نصف كيلو سمنة ساقعة 
نصف كوب سكر بودرة 
كيلو دقيق بسكوت وكحك 
ملعقة صغيرة خميرة
ملعقة كبيرة ريحة الكحك
ملعقة كبيرة بيكينج بودر 
ملعقة صغيرة ملح
3/4 كوب سمسم
2كوب لبن ساقع للعجن 

شاهد ايضا : طريقة عمل كحك العيد الناعم جدا بيدوب في البق 

الطريقة :
1- في العجان او في بولة نزلي السمنة لو بالعجان هتنزليها حتة واحدة ساقعة من الثلاجة لو في بولة كسريها ونزليها ونزلي معاها السكر واضربيها كويس اوي لغاية متبيض وتبقا باللون الابيض زي الكريمة بالظبط.
2- علي الدقيق نزلي الخميرة والبيكينج بودر والملح وريحة الكحك واقلبهم وانزلهم علي السمنة والسكر واضربهم اول ميلمو مع بعض انزل السمسم واضربهم ضربة خفيفة وانزل اللبن تقلبتين اللبن يختفي وبس عشان ميعملش عرق ويرجع يبوظ العجينة العجن الكتير .
3- هاتي الصواني وابدئي شكلي الكحك خدي العجينة وبين كفتين ايدك في بطن الايد وكوريها بحيث لو فيها اي هوا يطلع المهم العجينة متشققش وانقشيها حسب المتوفر عندك ولو حبة تحشيها ممكن تحشيها حطي مكسرات حطي ملبن عجوة حسب المتوفر عندك وحسب رحتك انتي ودخليهم الفرن سخن جدا  علي 180علي الرف الوسطاني يدوب تاخد لون من تحت وتمسك نفسها يعني بتاخد من 10الي 15دقيقة في افرن هزي الصنية لو اتحركت يبقا تمام طلعيهم ورصي مكنهم بعد متمسحي الصنية كويس وبعد ميبرد رصيهم علي صنية وبالسكر البودرة ورشيهم بس علي اللي هتاكلوة يعني السكر يتحط وقت التقديم بس وبالهنا .