مسقعه بالبشاميل 

المقادير : 
كيلو ونصف باذنجان رومي شررائح
كوب عصير طماطم 
ملعقة كبيرة صلصة 
بصلة مفرومة 
ثوم مفروم 
ملح
فلفل 
رشة سكر 
رشة بهارات سبعة 
للبشاميل :
3ملعقة كبيرة دقيق 
3ملعقة كبيرة زبدة 
2كوب لبن (الحليب)
2ملعقة كبيرة جبنة كريمي او كيري 
ملح
فلفل اسود
شاهد ايضا : طريقة عمل المسقعة باللحمة المفرومة 
الطريقة :
1- في حلة انزل زيت وزبدة يسخنم وانزل البصل واشوحة لغاية ميدبل من غير ميغير لونة انزل الثوم واشوحة معاهم ريحتة تظهر انزل الطماطم والصلصة واول ميغلي اتبل ملح وفلفل ورشة سكر وبهارات سبعة واغطي واسبها تتسبك وتتقل.
2- في حلة انزل الزبدة معاها شوية من الزيت وانزل الدقيق واقلب لغاية مالدقيق لونة يبيض انزل اللبن شوية الاول وافك معاهم الدقيق وانزل باقي اللبن ولازم يكون ساقع واقلب كويس لغاية مقوامة يتغير انزل الجبنة واتبل ملح وفلفل واقلبهم واشلهم من علي النار .
3- طبعا الخطوة الاساسية هيا الباذنجان ولازم قبل مقلية ارش علية شوية من الملح واسيبة يصفي ميتة وابدرة بالدقيق ويكون مقطع بالطول كل ده قبل ميتقلي كل الخطوات دي مهمة لانها بتمنعة يمتص زيت كتير خلال قلية ويكون جاهز قبل كل الخوات السابقة .
4- اجيب طاجن بيريكس وانزل فية كبشة من البشاميل وارص طبقات الباذنجات واوزع عليها الصلصة واخيرا طبقة البشاميل ولو حبة ممكن تحطي جبن علي الوش او قطعة قشطة او تستكفي بالجبن الكريمي بيعطي طعم جميل ودخليها فرن حامي علي 200علي الرف الوسطاني لغايةمتاخد لون .