كوسة بالبشاميل

المقادير :
 كيلو كوسة شرائح
ربع كيلو لحمة مفرومة
بصلة كبيرة مفرومة
2ملعقة كبيرة دقيق
2كوب لبن
زبدة
زيت
ملعقة كبيرة جبنة كريمي
ملعقة كبيرة صلصة
مكعب مرق
ملح
فلفل اسود
بابريكا
رشة جوزة الطيب
رشة بهارات سبعة

شاهد ايضا : طريقة عمل مكرونة بالبشاميل 

الطريقة :
1- انزل علي الكوسة رشة ملح وفلفل ورشة بابريكا واقلبهم وانزل الكوسة علي طاسة سخنة فيها زيت واشوحها لغاية متاخد لون حلو .
2- في طاسة فيها زبدة انزل اللحمة اول متاخد لون موحد انزلها ملح وفلفل وجوزة الطيب ورشة بهارات سبعة او بهارات لحمة واول متدخل في السوا انزلها البصل واقلب لغاية مالبصل يدبل واللحمة تستوي انزلها الصلصة وتقلبتين واطفي .

3- في حلة انزل زيت وزبدة  وانزل الدقيق واقلب الدقيق لغاية ميستوي وانزل اللبن بارد شوية بشوية مع التقليب لغاية ميفك معايا كل كتل الدقيق وانزل شوية واقلب كل ميتقلازود لبن لغاية موصل للقوام الكريمي المناسب وانزل ملح وفلفل ورشة جوزة الطيب والجبنة ومكعب المرق واقلب كويس جدا لو لقتية تقل ممكن تزودي مية سخن لانة فيه مكعب مرق وتظبطي قوامة وكده تمام .

4- اجيب قالب وانزل كبشة بشاميل اوزعها في الارضية كده وانزل اللحمة المفرومة وانزل الكوسة علي الوش ووزعي البشاميل علي الوش وحولي ان الكوسة تكون باينة فالافضل ان البشاميل يكون خفيف شوية ووزعي كام ملقة لبن ع الوش ودخليها فرن سخن علي 200علي الشبكة وسبيها تاخد لون حلو من الوش .