زبدة فلاحي 

المقادير :
كيلو قشطة فلاحي 
ملح

شاهد ايضا : طريقة عمل السمنة البلدي في البيت 

الطريقة :
1- بتجيبي اللبن تغلية وتسبية يبرد ودخلية التلاجة وتاخدي منة الوش تعبية في اكياس وتسبية في الفليزر لغاية ميبقا عندك كمية حلوة كيلو او 2او 3هيا بتاخد وقت شوية بس هتطلعلك كمية حلوة من الزبدة والمهم نوعية اللبن الكويسة عشان القشطة تكون دسمة .

2- في العجان او بالمضرب الكهربائي نزلي نص كمية القشطة في الطبق او في العجان وعليها رش ملح واخفقي اول مرحلة هتلاقييها بقت زي الكريمة وكل متضربي هتلاقيها بدءت تفصل عن اللبن وتخرز تكون عملة زي الخرز الصغير خالص هتجمعي القطع وتعصريها كويس جدا من اي مية جمعي كرات منها ونزليها في اكياس ودخليها الفليزر .
3- كملي باقي الكمية بنفس الطريقة المهم متقليش لا علي المضرب ولا العجان عشان ميتحرقوش لقدر الله العجان اساخدميلو المضرب اللي ع حرف كي وكل مرة تحطي كمية رشلها رشة ملح واللبن اللي يطلع منها عبية في اكياس واستخدمية في العجين او البشاميل او عمل عصائر هو لبن خض حلو جدا ودسم لاي حاجة يستخدم فيها اللبن العادي دخلي الكرات في اكياس في الفليزر لغاية متستخدميها كزبدة او تسيحيها لعمل السمنة البلدي .
4- ممكن تعمليها في الكبة بس الاهم الكمية تنزل علي قد تحمل الكبة .