فراخ محشية فريك 

المقادير :
فرخة 
بصلة ارباع 
1طماطم ارباع
2فص ثوم
ملح
فلفل 
رشة بهارات سبعة 
رشة سكر 
للفريك :
ربع كيلو فريك
بصلة كبيرة مقطعة صغير 
سمنة 
2فص مستكة 
ملح
فلفل اسود
رشة بهارات سبعة 
ملعقة كبيرة كاتشب 
للبوكية جارنية :
بصلة شرائح
جزر شرائح
طماطم 
كرفس قطع 
ورق لورا 

شاهد ايضا : طريقة عمل الفراخ المحشية في الكيس الحراري في الفرن بطريقة الشيف فاطمه ابو حاتي

الطريقة :
1- في الخلاط او الكبة افرمي البصلة مع الطمطاطماية والثوم والملح والفلفل والبهارات واخلطيهم كويس اوي وبعد منغسل الفرخة وننقعها نص ساعة في مية وخل ونصفيها كويس جدا وابدئي تلي من جوة ومن بره ومن تحت الجلد الطريقة دي بتخلي الفراخ الجلد واللحم طعمهم حلو جدا سبيها من نص ساعة لساعة تتبل .
2- في طاسة نزلي السمنة او زيت والمستكة تسيح نزلي البصلة وقلبيها ونزلي ملح وفلفل وبهارات وقلبيها معاهم اول مريحت البهارات تطلع مش عاوزاها تلون وانزل الفريك منقوع نص ساعة ومتصفي كويس اوي وقلبيه مع البصل شوية كده ع النار احنا مش محتاجين نسوية وسبية يبرد خالص وابتدي احشي الفرخة بية واول مالفرخة تتملا حطي ع الوش الكبدة والقناصة وكتفيها وهاتي بقيت التتبيلة مع الكاتشب وقلبيهم وادهني بيهم الفرخة من برة .
3- ممكن تسلقي الفرخة بالمنظر ده وممكن تجيب كيس حراري تبطنية بالدقيق عفرية بس ونزلي البطة والخضار وممكن تحطي الخضار اللي تحبية وورق اللورا واقفلي الكيس انا بحب اعملة في الكيس الحراري عشان الطعم بيقي احلا ونزليها في صنية وبالسكينة غرزي الكيس الحراري واملي لغاية نص الفرخة مية مغلية ودخليها الفرن سخن جدا علي الارضية علي 200 او اعلا درجة عندك تغلي ع الارضية وطلعيها علي الرف الوسطاني وهدي النار لغاية متستوي هتتحمر وتاخد لون من غي متفتحي عليها .
4- بعد متستوي المرقة اللي طلعت من المية اللي حطيناها تحت الفرخة وسوي بيها بقيت الفريك لو اتبقا يدوب المرقة تكون مغطية الفريك يكون باين منها وسبيهيغلي ويتشرب وهدي النار خالص لغاية ميستوي وهو متغطي طبعا زي الرز بالظبط وقدمية مع الفراخ .