رول فراخ محشي
فرخو مفتوحة ومخلية
الحشو :
كوب ارز مصري
ربع كيلو قوانص مسلوقة
ربع كيلو كبدة فراخ مكعبات
1طماطم مبشورة
2فص ثوم مفروم
بصلة مفرومة
ملعقة كبيرة زبدة
رشة قرفة بودر
رشة سبع بهارات
فص مستكة
ملح
فلفل اسود
لتتبيل الفراخ :
بصلة
1طماطم
2فص ثوم
رشة سكر
رشة حبهان بودر
ملح
فلفل اسود
للتسوية :
بصل شرائح
جزر شرائح
2ورق لورا
لدهن الفراخ :
كاتشب
شاهد ايضا : طريقة عمل الفراخ المحشية في الكيس الحراري
الطريقة :
1- الفرخة تكون مغسولة كويس منقوعة في مية وخل 10دقايق واخدها بين كيسين سندتشات مفتوحين وافردها كويس وبشكوش او مدق وادقها تكون رقيقة .
2- في الخلاط انزل البصلة والطماطم والثوم وملح وفلفل وسكر وحبهان واخلطهم كويس اوي واتبل بيهم الفراخ واسبها نصف ساعة او ساعة في التتبيلة .
3- لعمل الحشوة في طاستين علي النار انزل الزبدة والزيت وانزل المستكة في واحدة وانزل الكبد واشوحها كويس اول ملونها يتغير انزل القوانص واتبل ملح وفلفل وقرفة وبهارات واشوحهم لغاية ميستوم وياخدو لون حلو وانزلهم الثوم واول ماريحتة تطلع اطفي والطاسة التانية انزل الرز واشوحة كويس اوي لغاية ميسخن كويس اوي واتبلة ملح وفلفل وبهارات وقرفة لغاية ميدخل في السوا انزلة البصل واشوحة معاه تشويحة يدبل انزل الطماطم المبشورة واشوحهم مع بعض كويس واطفي .
4- اسبهم يبرد خالص وانزلهم علي بعض وابتدي احشي الفرخة وابتدي باستخدام الكيس الفها رول والفها بالخيط او الخلة عشان اقدر امسكة والحشو ميطلعش منة ويرجع يفك ويبوظ الشكل خالص واجيب طاجن بيريكس او صنية انزل البصل في الارضية والجزر واللورا وعليهم انزل الرول واغطيها وادخلها الفرن علي 200او اعلا درجة حرارة ع الارضية واول متغلي اطلعها الرف الوسطاني واهدي النار واسبها لغاية متستوي بعد متستوي اخرجها ادهنها باكاتشب وادخلها تحت الشواية تاخد لون واشيل الفويل عشان تاخد وش تحمير حلو واطلعها واسبها تبرد خالص وابتدي اقطعها واشيل منها الدبارة .
5- طبعا مش هنرمي بقيت الرز والحشو الرز نزلي علية شوية من المية المغلية وسبية يكمل سواه وقدمية بجانب الرول وبجانبة الكبد والقوانص .
ليست هناك تعليقات:
إرسال تعليق