فراخ كوكي (بانيه كوكي)

المقادير :
نصف كيلو صدور فراخ مثلجة
ملعقة كبيرة زبدة 
ملعقة كبيرة نشا 
ملح
فلفل اسود
ملعقة صغيرة ثوم بودر 
ملعقة كبيرة بصل بودر 
كزبرة ناشفة 
2نقطة من الخل 
للتغطية :
كوب كورن فليكس 
كوب بقسماط مطحون ناعم 
2ملعقة كبيرة نشا 
2ملعقة كبيرة دقيق 
كوب دقيق 
2بيضة 
2ملعقة كبيرة لبن 
رشة فلفل اسود

شاهد ايضا : طريقة عمل البانية المقرمش بطريقة الشيف فاطمه ابو حاتي

الطريقة :
1- في الكبة انزل الفراخ وتكون متلجة خالص عشان تكون سهلة اني افرمها والمكونات اللي هنزلها معاها تتماسك معاها .
2- بعد مفرمها ناعم جدا جدا بعدها انزل السمنة والخل بس نقطتين بس متكتريش عشان متفكش منك ونزلي النشا والملح والفلفل والبصل والثوم والكزبرة واخلطهم تاني .
3- ابدء اجيب طبق فيه زيت وادهن ايدي زيت واخد قطعة من الخلطة حسب الحجم اللي عاوزة تعملية وتبدئي تشكلية وتعمليها صدور صغيرة او متوسطة واعملها بوز زي البانية الكوكي او شبة الصدور الفراخ وبططيها تكون بسمك البانية المهم ان ايدك تكون مدهونة زيت كويس عشان تقدري تشكلي بكل سهولة .
4- هاتي طبق يكون فيه دقيق وطبق تاني فيه بيض ولبن ورشة الفلفل واخفقيهم مع بعض وفي طبق تاني حطي الكورن فليكس يكون مفروم ناعم جدا ونزلي البقسماط والنشا والدقيق وقلبيهم كويس اوي وحطي معاهم رشة ملح وفلفل .
5- هاتي لبانية نزليه في الدقيق السادة وعلي البيض باللبن وعلي خلطة الكورن فليكس بالبقسماط وعلي اكياس ثلاجة ورصيها ودخليها الفليزر لتاني يوم وفي زيت غزير تخرجيها متلجة نزليها الزيت يكون سخن جدا وعلي نار متوسطة وابتدي اقليها واول متطوف علي وش الزيت وتاخد اللون الدهبي تكون جاهزة بالف هنا .