طاجن باذنجان باللحمه وبطاطس
بطاطس شرائح متوسطة
برنجان عروس شرائح
نصف كيلو لحمة مفرومة
بصلة متوسطة مبشورة
بيضة
2ملعقة كبيرة بقسماط
ملح
فلفل اسود
ملعقة صغيرة بهارات سبعة
للصلصة :
عصير 4حبات طماطم
ملعقة كبيرة صلصة
ملعقة صغيرة ثوم مفروم
ملح
فلفل
رشة كمون
زيت
مونزاريلا للوجة
شاهد ايضا : طريقة عمل الباذنجان المخلل
الطريقة :
1- شرائح الباذنجان عاوزاها متوسطة واحمرها علي الجريل بمعلقة زيت سخنة واول محمرهم اطلعهم علي طبق واسبهم علي جمب .
2- في بولة انزل اللحمة والملح والفلفل والبصلة والبيضة والبقسماط والبهارات واعجنها كويس جدا مده 3دقايق عشان متفكش منك .
3- هاتي بقا شريحة باذنجان وصبعي قطعة لحمة علي طول الشريحة ولفيها رول ورصيها بالطول في طاجن مدهون سمنة لغاية متملي الطاجن .
4- هاتي طاجن تاني ادهنية سمنة حلو جدا ورصي بالدوران قطعة بطاطس وقطعة لحمة وازرعي بينهم كده شرائح فلفل رومي او حامي ع مبتحبي .
5- حلة علي النار انزل زيت يسخن انزل الثوم واشوحة اول متطلع ريحتة انزل عصير طماطم والصلصة وملح وفلفل وكمون واسبهم يغلو 10دقايق يتسبكو وانزل لكل طاجن كبشة ونص ورشة مونزاريلا ع الوش وادخلة فرن سخن علي 180 علي الشبكة لمدة 35دقيقة واطلعة اقدمة مع الرز بالشعرية .
ليست هناك تعليقات:
إرسال تعليق