كشري مصري
المقادير :
كوب ارز مصري
كوب شعرية محمرة
كوب عدس بجبة مسلوق
كوب مكرونة صغيرة
كوب مكرونة اسباجتي
نصف كيلو بصل شرائح
2ملعقة كبيرة دقيق
مكعب مرقة خضار
للصلصة :
2كوب عصير طماطم
ملعقة كبيرة ثوم مفروم
2ملعقة كبيرة صلصة
مكعب مرقة خضار
رشة سكر
ملعقة صغيرة كمون
ملعقة صغيرة كزبرة جافة
رشة سبع بهارات
رشة سكر
للدقة :
ملعقة كبيرة ثوم مفروم
ملعقة كبيرة فلفل احمر واخضر مفروم
نصف كوب عصير ليمون
نصف كوب خل
كوب ماء
ملعقة صغيرة كمون
ملعقة صغيرة كزبرة جافة
نصف ملعقة صغيرة ملح
للشطة :
ملعقة كبيرة شطة حارة جافة
ملعقة كبيرة شطة حارة جافة
2ملعقة كبيرة زيت بصل
2ملعقة كبيرة صلصة كشري
الطريقة :
1- في بولة انزل البصل والدقيق ورشة ملح واقلب كلة مع بعضة كويس اوي واطلع البصل علي زيت غزير وسخن جدا واقلب لغاية مياخد لون دهبي ويقرمش واطلعة علي مناديل مطبخ.
2- في طاسة اخد كبشة من زيت تحمير البصل انزل الثوم احمرة وانزل العصير الطماطم والصلصة وملح وفلفل وكمون وكزبرة وبهارات سبعة ورشة سكر واسبها تتسبك وهتعرفي ازاي انها اتسبك اول متلاقي المادة الدهنية طلعت ع الوش .
3- في حلة اخد من زيت البصل عشان نعمل كل مكونات الكشري في حلة واحدة اتوصا شوية بالزيت انزل الاول الرز يكون مغسول كويس ومتصفي كويس اوي واقلبة كويس اوي لازم يسخن ويفلفل لو مش محمرة الشعرية الاول حمريها ونزلي عليها الرز بالطريقة التقليدية العادية .
4- انزل بعد كده الشعرية احنا محمرينها من بدري عشان الوقت ونزلي العدس بجبة المسلوق وانزل المكرونة الصغيرة واقلبها معاهم انزل ملح وفلفل اسود واقلبهم مع بعض وانزل المية المغلية علي المكونات تكون اعلا منهم بعقلة صوباعوعلي الوش انزل المكرونة الاسباجتي واغطي واسيبة يغلي ويتشرب واهدي علية النار .
5- لعمل الدقة في حلة انزل اللمون والخل والمية واول ميغلو انزل الثوم و والفلفل الاخضر والاحمر وملح ووكزبرة وكمون واسبها تغلي وتبقا جاهزة وممكن تحتفظي بيها مش هيحصلها حاجة تنفع دقة كمان للفول والباذنجان .
6- للشطة هناخد شوية من زيت البصل نحطو علي النار يسخن انزل الشطة واشوحها شوية مع الزيت اول متطلع فقاقيع انزلها الصلصة واقلبهم كويس تغلي اشلها.
ليست هناك تعليقات:
إرسال تعليق