حمام محشي فريك

المقادير :
حمام 
ربع كيلو فريك مغسول ومنقوع نص ساعة 
بصلة متوسطة مفرومة 
نص كوب كبد وقوانص مقطعة صغير 
ملح
فلفل
رشة قرفة 
رشة بهارات سبعة 
2فص مستكة 
بصلة 
جزرة 
طماطماية 
ورق لورا 
حبهان
للتبيلة :
بصلة ارباع
1طماطم ارباع
2فص ثوم
رشة سكر 
رشة حبهان بودر 
ملح
فلفل اسود
لدهن الوجة : 
كاتشب 

شاهد ايضا : طريقة عمل الحمام المحشي ارز 

الطريقة :
1- في الكبة او الخلاط انزل البصلة والطمطماية والثوم والملح والفلفل والسكر والحبهان وافرمهك كويس وطبعا اكون غسلة الحمام كويس ونقعاه في مية وخل 10دقايق ودعكاه بالدقيق وسيباه يتضفا كويس .
2- اتبل الحمام من جوة ومن برة ومن تحت الجلد واسبها ساعة تتبل وعلي النار انزل طاسة انزل فيها سمنة وزيت يسخنم كويس انزل البصلة واقلبها لغاية متدبل وانزل الفريك واعطية تشويحة لغاية ميسخن وانزل ملح وفلفل وحبهان وبهارات واقلب لغاية محس انو بقا نص سوا .
3-في طاسة تانية انزل زيت وسمنة يسخنم انزل القوانص واشوحها لغاية متغير لونها انزلها الكبد واقلب براحة خالص المهم ان الكبدة متتهراش اول ميدخلو في السوا اتبل ملح وفلفل وحبهان وبهارات سبعة واقلب لغاية مريحة التوابل تطلع واطفي النار واسبهم يبردم .
4- بعد مالفريك برد والكبد والقوانص اقلبهم مع بعض وكون الحمام اتبل وابدء احشي من ناحية الرقبةالمهم ان الرقية الجلد ميكونش مقطوعة لازم تكون بحلتها وافتح بصبعيني وابدء احشي وازق لجوة براحة وبايدي اساوي الفريك في الحمام واكتفها او اخيطها حسب الرغبة وبلاش تمليها اووي عشان متفرقعش .
5- في حلة انزل الزيت والمستكة واشوح الحمام فيها لازم تسخن كويس وبعد مشوحهم كويس وياخدو تحميرة حلوة انزل مية سخنة واظبط ملح وفلفل ووانزل البصلة والطمطماية والجزر واللورا والحبهان واسبها تغلي اغطي واهدي النار لغاية مالحمام يستوي اطلعة وسيبة يبرد وادهن الوش كاتشب وانزلة تحت الشواية تخد لون حلو او تحمرية ده حسب رغبتك وقدمية والفريك اللي كان متبقي انزل علية شوية صغيرين من المية السخنة تكون المية مبينة الفريك وسيبة يكمل سواه واقدمة مع الحمام وبالهنا.