جاتوه شاتو

المقادير :
كوب دقيق 
كوب لبن 
كوب زيت 
كوب سكر 
نصف كوب كاكاو منخول
2بيضة 
ملعقة صغيرة فانيليا 
باكو بيكينج بودر 
رشة ملح
لتشريب الكيك:
كوب لبن دافيء
ملعقة كبيرة كاكاوخام
2ملعقة كبيرة سكر 
للحشو :
كوب كريم شانتي خام
نصف كوب سكر بودرة 
كوب لبن مثلج
للتزيين :
كريز 
شيكولاتة مبشورة 

شاهد ايضا : طريقة عمل جاتوة شاتوة الفانيليا 

الطريقة :
1- في الخلاط انزل البن تلتين اللبن والسكر والكاكاو واخلطهم كويس جدا لغاية مالسكر يدوب تماما .
2- ابدء مع الخلط انزل الزيت سرسوب رفيع اوي واخلط كويس اوي لغاية ميتجانسو مع بعض واخد من الخليط كوباية اسبها علي جمب .
3- انزل علي باقي الخليط البيض والفانيليا واللبن واخلط تاني كويس اوي وفي بولة انزل الدقيق ويكون منخول اكتر من مرة وده الافضل ونزلي علية ملح والبيكينج بودر وقلبيهم كويس ونزلي عليهم الخليط اللي خلطناه .
4- قلبي المكونات كلها في اتجاه واحد لغاية مخلطهم كويس مع بعض وفي قالب او صنية مدهونة زيت ومبطنة دقيق وابدء انزل الخليط وادخلة فرن سخن علي الرف الوسطاني علي درجة حرارة 170او 180 لمدة 25دقيقة والصنية مقاس 26 واختبرية من النص اول متطلع الخلة نضيفة خرجيها وسبيها تبرد .
5- في بولة نزلي الكريم شانتي والسكر واقلبهم وانزل اللبن مثلج من الفليزر واخلط مده 10دقايق لغاية مقوامة يتماسك وبعد مالكيكة خرجت وبردت اقلبيها علي الضهر واقسميها اتنين واخلطي اللبن والسكر والكاكاو واسقي الجزء الاولاني ونزلي الكريمة افرديها كويس وهاتي الجزء العلوي نزلية اضغطي علية كويس عشان يخرج الزيادة واسقيها بالمعلقة بردو مش كتير عشان متبوش وهاتي  الصوص نزلية وسوية علي الوش وقطعي بسكينة مشرشرة الاطراف هتسعدك اكتر في التقطيع ونزلي اللي قطعتية في كاسات وقسمي بقا الجاتوة المهم بين كل تقطيعة تمسحي السكينة او تنزليها في مية دافية .
6- زيني بقا ببواقي الكريمة والكريز وشليهم علي طبق التقديم اما اللي في الكاسات زينية بكريم شانتي وكريز وشيكولاتة مبشورة والف هنا .