تورته مالحه
المقادير :
2باكيت توست
ربع كيلو جبنة شيدر شرائح
ربع كيلو روز بيف مدخن
ربع كيلو رومي مدخن
نصف كيلو جبنة كريمي
4ملعقة كبيرة مايونيز
نصف كيلو طماطم شيري
كابوتشي مبشورة
200جرام زيتون اسود سليم
2خيار شرائح
جزرة مبشورة
100جرام زبدة بدرجة حرارة المطبخ
ملعقة صغيرة ثوم بودر
شاهد ايضا : طريقة عمل تورتة الفاكهة من الشيف فاطمه ابو حاتى
الطريقة :
1- اجيب التوست اشيل الاحرف بتاعتة وفي بولة انزل الزبدة في بولة اضربها وبعد مضربها انزل المايونيز والثوم البودر واضربهم كويس اوي وانزلها الجبنة الكريمي واضربهم مع بعض حلو اوي ودي هتبقا الحشوة بتاعتنا .
2- في صنية انزل فيها تتبطن باكياس تلاجة مفتوحة عشان تساعدني اطلع الكيكة انزل طبقة من التوست انزل طبقة من الشيدر والرومي والروز بيف وادهن التوست من الحشوة وارص تكون الحشوة لتحت لغاية مكون طبقة من التوست .
3- انزل طبقة من الكريمة وافردها وانزل طبقة من الروز بيف والشيدر والرومي وادهن التوست وانزل طبقة من تحت الدهن لتحت عشان تتماسك مع الحشوة ولغاية مكون طبقة وادخلها التلاجة نصف ساعة واخرجها اقلبها واشيل الاكياس وابدء اغطيها بالكريمة من فوق ومن الجوانب وابدء اسويهم بالسكينة كويس اخليها متساوية الكريمة وشكلها حلو واخلط الجزر المبشور والكابوتشي وابدء ابطن الجوانب بيهم واضغط كويس .
4- وازين من فوق بوردات الكريمة والطماطم الشيري والخيار طبعا التزيين ده حسب رغبتك وانا عاملة اشكال بالحشو الجبنة الشيدر والرومي والروز بيف بالقطاعة بتاعت البسكوت اي شكل تحبية وزيني بيه والزتون بالخلة وغرزية في الجوانب ودخليها التلاجة 4 ساعات تتماسك وقدميها قطعيها وبالهنا والشفا .
احلي تورته مملحه دي ولا ايه تسلم ايدك يا شيف
ردحذفتسلمى ياحبيبتى دا من زوقك ومرحب بيكى
حذف