ميني سينابون

المقادير :
العجينة :
2كب دقيق مخبوزات
نصف كوب لبن دافيء
ربع كوب سكر
ملعقة كبيرة خميرة
ثلث كوب زبدة زائبة
بيضة
ملعقة صغيرة فانيليا
رشة ملح
للحشو :
كوب سكر بني
ملعقة كبيرة قرفة
ملعقة كبيرة كاكاو خام
3مكعبات زبدة طرية للفرد
نصف كوب كريمة خفق للحلويات
للتوبينج:
8مكعبات جبنة كيري مربعة بدرجة حرارة الغرفة
كوب سكر بودرة منخول
ربع كوب زبدة طريةبدرجة حرارة الغرفة 
ملعقة صغيرة فانيبليا
2ملعقة كبيرة لبن
رشة ملح

شاهد ايضا : طريقة عمل كرات السينابون 

الطريقة :
1-في بولة انزل اللبن والسكر والخميرة واقلبهم واغطيهم واسبهم 10دقايق لغاية متعمل فقاقيع وتعمل فوم كده بعد كده انزل الزبدة والبيضة والفانيليا واقلب .
2- في بولة تانية انزل الدقيق والملح  واقلبهم وانزل بالخليط السائل واعجن لغاية متكون عجينة طرية لو ساحت زودي دقيق ولو احتاجت لبن او مية ممكن مفيش مشكلة المهم اخد عجينة طرية .
3- اغطيها بقا واسبها لغاية متخمر ساعة او ساعة ونص وبعدين ابتدي اشتغل بيها اعمل الحشوة في بولة انزل السكر البني والقرفة والكاكاو ولو مش متوفر السكر البني سكر ابيض وعلية معلقة كبيرة عسل اسود وقلبيهم لغاية ميبقا بني واشتغلي بية .
4- قلبي خلطة الحشوة بقا وابتدي افردي العجينة مستطيل ادهنها زبدة الاول والزبدة تكون طرية وانزل الحشوة وافردها علي كل العجينة وابتدي الف العجينة رول من النحيتين بلفتبن قد بعض واقطع من النص تكون رفتين .
5- ادهن صنية بالزبدة وابتدي اقطعة  ممكن بسكينة او بدبارة واوقفها وابططها شوية واخلص بقا الكمية ولازم تسيبي مسافة لانها هتخمر بعد متخمر بقا ادخلها فرن علي 180علي الرف اللي في الوسط 12دقيقة واخرجها وبمعلقة كبيرة واوزع كريمة الحلويات معلقة علي كل واحدة ممكن لبن او قشطة وادخلها الفرن تاني تكمل سواها وتاخد لون .
6- هعمل بقا التوبينج في بولة انزل الجبنة اهرسها بايدي او معلقة وانزل السكر والزبدة واعجنهم كويس كده مع بعض وانزل الفانيليا واللبن ورشة الملح وقلبهم بقا افضل اقلب فيهم لغاية ميبقو مندمجين عاوزة الخليط كريمي واطلع السينابون بعد مياخد لون اوزع كبشة م الصوص علي كل واحة اقدم الباقي جمبها حلوة جدا.                      .