بط بالبرتقال

المقادير :
بطة 
ملعقة كبيرة صلصة 
ملعقة كبيرة صويا صوص 
كوب برتقال 
بصلة كبيرة 
رشة سكر 
ملح
فلفل اسود
ملعقة كبيرة زعتر 
ملعقة صغيرة بهارات سبعة 
ورق لورا 
كرفس
بصل مكعبات 
جزر شرائح
طماطم مكعبات 
4فص ثوم صحيح

شاهد ايضا : طريقة عمل الديك الرومي 

الطريقة :
1- في الكبة او الخلاط انزل البصل والزعتر وملح وفلفل اسود ورشة سكر والصلصة والبهارات السبعة والصويا صوص والبرتقال واخلط كل المكونات كويس اوي .
2- اجيب البطة اغسلها كويس واجيب قشر البرتقال وادعك بية البطة كويس اوي وانقعها في مية وخل 10دقايق وبعدها اغسلها واصفيها كويس واخد من التتبيلة وادخل من جوة وبره واعكها بالتتبيلة كويس جدا .
3- اجيب كيس حراري وادخلها جوة الكيس وعليها بقيت التتبيلة واحط معاها ورق لورا وجزر وطماطم والثوم وكرفس والبصل واقفلها كويس اوي بالقفل .
4- ابيتها في الثلاجة لتاني يوم في التتبيلة واخرجها احطها في صنية غويضة واحط مية مغلية في الصنية وبسكينة رفيعة اغرز الكيس عشان اعملة فتحتين تلاتة  وادخلها فرن سخن علي 200علي ارضية الفرن اول متغلي اطلعها ع الرف الوسطاني اهدي النار واسبها تستوي واخرجها واقدمها .