بطاطس فريسكاس

المقادير :
بطاطس اصابع مثلجة 
كوب دقيق 
نصف كوب دقيق
ملعقة كبيرة بيكينج بودر 
ملعقة كبيرة نشا 
ملح
ملعقة كبيرة بابريكا 
رشة شطة 
ملعقة صغيرة ثوم بودر 
ملعقة صغيرة بصل بودر 
ملعقة صغيرة كمون
ملعقة صغيرة فلفل 
ملعقة كبيرة كركم 
ملعقة صغيرة كزبرة ناشفة 
ملعقة صغيرة بهارات بطاطس 
مية للعجن

شاهد ايضا : طريقة عمل البطاطس المشوية بالبسطرمة للشيف مروة الشافعى

الطريقة :
1- اقطع البطاطس صوابع واغلي مية فيها معلقة ملح وانزل ربع كوب خل واسبها تغلي تاني انزل البطاطس بعد غسلها كويس واسبها في المية اول متغلي تاني اشلها من المية علي مية سقعة جدا بتلج واصفيها وارصها علي صنية كبيرة لغاية متتلج .
2- في بولة طبق اخلط كل مكونات البهارات وفي بولة انزل كوباية الدقيق والنشا والبيكينج بودر وانزل نص كمية البهارات واقلبهم كويس اوي واعجن بالمية لغاية موصل لقوام زي قوام البان كيك وانزل فيها كل البطاطس المتلجة وتكون متلجة كل واحدة لوحدها مش متماسكين .
3- علي الدقيق التاني انزل باقي خليط البهارات واقلبهم كويس واسيب البطاطس في الخلطة من ساعتين الي 4ساعات وابدء اغلف كل البطاطس بالدقيق التاني اغلفة كويس وارصة علي صنية وادخلة الفليزر تاني عشان الخلطة تمسك في البطاطس بالدقيق ولما تنزليها الزيت الدقيق ميقبش ويتحرق في الزيت المهم يكونو كل واحده متجمدة لوحدها .
4 - سخني زيت حلو جدا هدي النار وابدئي نزلي كل واحدة لوحدها متنزليش بالكمية معلش هيا خطوات كتيرة بس في الاخر النتيجة هايلة جدا وهتعجبكم جدا جدا خليها تاخد لون حلو دهبي وطلعيها علي مناديل مطبخ تشرب الزيت عشان مترجعش تتطرا هتفضل مقرمشة جدا قدميها جمب صوص الجبنة او الكاتشب او صوص المايونيز الحار او سلطة الزبادي كل ده حسب رحتك انتي .