سمبوسك كريم باتسيير 

المقادير :
مقادير الكريم باتسيير :
2كوب لبن 
4 اصفر بيض
رشة فانيليا 
نصف كوب سكر 
2ملعقة كبيرة نشا 
2ملعقة كبيرة زبدة 
للسمبوسك :
باكيت سمبوسك 
للحشو :
3 موزشرائح 
كريم باتسيير 
للتزيين : 
مكسرات مجروسة 
صوص كراميل

شاهد ايضا : طريقة عمل السمبوسك بطعم السينابون من الشيف فاطمه ابو حاتى 

الطريقة :
1- اسخن اللبن كويس جدا وفي بولة انزل صفار البيض والفانيليا  والسكر واصربهم كويس جدا بالمضرب اليدوي المهم اتاكد ان البيض اختلط بالسكر وانزل النشا واقلبهم كويس مع بعض المهم يختلطو .
2- ابتدي بقا انزل حبة بحبة من اللبن علي خليط البيض مع التقليب السريع لازم انزل واقلب عشان لو نزلت ومقلبتش مع نزول اللبن البيض هيستوي اول محس ان خليط البيض سخن .
3- رجعي اللبن علي النار وانزل خليط البيض مع التقليب وانتي بتنزلي التقليب المستمر لغاية متلاقي الخليط يغلي ويبتدي يتماسك ويتقل معايا واول ميتقل انزلة الزبدة اول متسيح انزلة في بولة واغطي وشو كويس بكيس نايلون لازم يكون الكيس ملازم الخليط  واسيبة يبرد خالص عشان ابتدي احشي بيه .
4- بعد ميبرد الكريم باتسيير اقلبه تقليبة بسيطة واحشي السمبوسك واحط شريحة او شريحتين موز وابتدي اقفل كويس والزيادة ادخلها جوة السمبوسك  وفي زيت سخن جدا علي نار هادية انزل السمبوسك واول متاخد لون اشلها في طبق وازين بالكريم كراميل والمكسرات واقدمها .