شوربه شعرية باللحمه
ربع كيلو لحمة مكعبات صغيرة
جزرة مكعبات
2عود كرفس فرنساوي مقطع
بصلة مفرومة
ملعقة كبيرة سمنة
2فص مستكة
ملح
فلفل اسود
3كوب مية مغلية
شاهد ايضا : طريقة عمل شوربة المكرونة
الطريقة :
1- في حلة سخنة انزل السمنة تسيح انزل المستكة تسيح انزل اللحمة واقلبها لغاية متاخد لون حلو وتدخل في السوا وتنزل ميتها وتشربها اعرف كده انها دخلت في السوا .
2- انزلها البصلة واشوحها مع اللحمة تشويحة وانزلها الجزر والكرفس واغطي عليها واسبها شوية واجيب مية سخنة واول مفتح عليها واتاكد ان مفيش سوايل خالص انزلها المية المغلية .
3- اسبها بقا تغلي مع اللحمة والخضار اللي حطيناهم ويستوم كويس وانزلهم ملح وفلفل وانزل الشعرية واظبط كمان ميتها واول متغلي تاني اغطيها واسبها ربع ساعة هتكون استوت وبقت زي الفل المهم انك متحطيهاش وتسبيها تعد تغلي لان ده بيخليها تنشي ويخلي الشعرية او لسان العصفور وبيبقا شكلة وحش جدا اول مالشوربة تغلي اطفي عليها ع طول .
ليست هناك تعليقات:
إرسال تعليق