محشي كرنب 

المقادير :
ورق كرنب مسلوق
خلطة المحشي ( 2كوب ارز مصري - 2بصلة مقطعة صغير - نصف كيلو عصير طماطم )
3ملعقة كبيرة معجون صلصة طماطم
ربطة من كل (البقدونس-الكزبرا الخضرا-الشبت )
نصف ربطو من اوراق النعناع
ملعقة كبيرة من كل (بهارات سبعة -الكمون-الكزبرة الناشفة -رشة شطة )
نصف كوب من الزيت 


الطريقة :
1- في حلة انزل زيت يسخن انزل البصل وادبلة وانزل الطماطم والصلصة وملح وفلفل وكمون  واسبها تتسبك بسيط.
2- في بولة انزل الرز مغسول ومنقوع ومتصفي كويس وانزل الخضرة والنعناع والملح وفلفل وكمون وكزبرة وبهارات واقلبهم  واول مالصلصة تتسبك انزلها علي الرز واقلبهم مع بعض واظبط الملحوانزل معاهم الزيت .
3- الكرنب طبعا بيتسلق وبعد ميبرد اشيل منة العرق اللي في النص وبدء الفة رول وبالسكينة اقطعة الحجم اللي يناسبني وابدء احشي وارص اللي لفتهم علي طبق وفي الحلة انزل فروع الكرنب الخضرا اوي ومسلوقة في الحلة من تحت .
4- ارص المحشي في الحلة جمب بعض  وعلي الوش احط وقتين ولا حاجة وانزل الشوربة وممكن مية سخنة وبشوية من الملح  واكبسهم بطبق محكم عليهم ونزلها علي النار المهم تهزيها كويس عشان تتاكدي ان كل الحلة شربت من المية لازم تغطية وسبيها تغلي وتتشرب وغطي الحلة وهدي النار خالص لغاية ميستوي كلها 25الي 30دقيق وهتلاقية استوي لازم يتغطي بطبق ده غير الغطا اول ميستوي اقلبة في طبق واقدمة .