محشي بصل وكرنب
المقادير :
نصف كيلو اوراك فراخ مخلية
كيلو بصل ابيض كبير
1حبة كرنب للمحشي
2بصل شرائح
2فلفل رومي شرائح
2طماطم شرائح
2كوب شوربة مغلية
خلطة المحشي :
2كوب ارز مصري
حزمة بقدونس مفروم
حزمة كزبرة مفرومة
حزمة شبت مفروم
2بصل مقطع صغير
2كوب عصير طماطم
ملعقة كبيرة صلصة
زيت
سمنة
مكعب مرق
رشة سكر
ملعقة صغيرة كزبرة ناشفة
ملعقة صغيرة كمون
ملعقة صغيرة من البهارات السبعة
رشة قرفة بودر
رشة حبهان بودر
2فص مستكة
ملح
فلفل اسود
شاهد ايضا : طريقة عمل طاجن ورق العنب
شاهد ايضا : طريقة عمل محشى الكرنب من الشيف مروة الشافعي
الطريقة :
1- اغلي مية في حلتين اول حلة انزل فيها ملح واجيب البصل واقطع الراس اللي فوق واسيب العنقود واشق البصلة لغاية النص وانزلها المية واسيبو 10دقايق بس واطلعة يبرد .
2- نزلي في مية الكرنب سكر وكمون وشيلي راس الكرنب ونزلي الكرنباية كلها وغطسيها اول متغلي المية تاني ابدئي شيلي من فوق وشدي ورقة ورقة ورصيهم جمب بعض علي طبق كبير او صنية عشان لو رصتيهم فوق بعض الورق هيتهري .
3- اللي في النص الابيض حولي تسبية لغاية مالمية تغلي تاني وابئي طلعية وسبية يبرد خالص وابدئي قطعي العناقيد وقسمي الورق حسب الحمج المناسب ليكي ورصيهم علي بعض اما لو مش عارفة بيتقطع ازاي اول متقطعي العناقيد ابرمي الورقة بالطول وقطعية 3اجزاء .
4- خلاص خلصتيب رص الورق تعالي بقا نعمل الخلطة مع بعض علي البصل نزلي ملح وفلفل وكمون والبهارات والقرفة والحبهان وافركي البصل مع التوابل كويس اوي ونزلي الخضرة وعلي النار نزلي الزيت والسمنة تسخن كويس نزلي الثوم واول متطلع ريحتة نزلي الطماطم معاها ملح وفلفل وسكر علي قد الطماطم وسبيها تتسبك كويس اوي وسبيها تبرد ونزليها علي خلطة البصل والرز وقلبي كله مع بعضة كويس ..
5- علي طاسة نزلي زيت وسخنية كويس اوي نزلي المستكة تسيح نزلي الفراخ وتكون مقطعة مكعبات متوسطة خليها تاخد لون وقلبيها اول متاخد لون من جميع الجهات تبليها فلفل وبهارات وحبهان وقرفة وقلبيها لغاية متدخل في السوا .
6- البصل ابدئي شيلي العنق او العنقود اللي سبناة وابدئي تفكية ورقة ورقة من بعضة واحشيث بقا الكرنب والبصل ورصيهم الاول علي صنية كبيرة وبعد متخلصي خالص هاتي الحلل ونزلي في الحاتين شرائح البصل والفلفل والطماطم ورصي الفراخ عليهم ونزلي كل العصارة اللي نزلت منهم معاهم ورصي بقا في حلة الكرنب الكرنب والحلة التانية رصي البصل اهد حاجة ترصي كويس عشان تعرفي تنزلي معيار الشوربة كويس وانتي بترصية حولي تسيبي فراغ في الحلة لان حجمة هيزيد فميبهدلش الدنيا .
7- الشوربة لازم تكون سخنة جدا وممكن تكون مية مدام في فراخ ولازم يكون فيها رشة من الكمون ويدوب الشوربة متطلعش فوق الكرنب او البصل وحطي طبق فوق المحشي تمسكة كويس عشان لما يغلي يخلية سابت مكانة ميفكش منك وغطي بغطا الحلة وحطية علي النار اول ميغلي هدي النار وسبية يستوي براحتة خالص .
ليست هناك تعليقات:
إرسال تعليق