حمام محشي ارز
حمام
للحشو :
كوب ارز مصري
كبد وقوانص مقطعة صغير
بصلة مقطع صغير
2فص ثوم مفروم
ملح
فلفل اسود
رشة قرفة
رشة بهارات سبعة
فص مستكة
زبدة
زيت
بصل ارباع وجزر ارباع وطماطم ارباع
لورا
حبهان
للتتبيلة :
1بصلة مكعبات
1طماطم مكعبات
فص ثوم
ملح
فلفل اسود
رشة سكر
رشة حبهان
لدهن الوجة :
كاتشب
شاهد ايضا : طريقة عمل البط بالبرتقال بطريقة الشيف فاطمه ابو حاتي
الطريقة :
1- اجيب الحمام حسب الكمية اغسلة كويس وانقعة في مية وخل 10دقايق وفي الخلاط انزل البصل والطماطم والملح والفلفل والسكر والثوم والحبهان واخلطهم كويس اوي واتبل بيهم من جوة وبرة وتحت الجلد الحمام بعد منقعناه وسبناه يتصفا كويس اوي واسيبة في التتبيلة من نصف ساعة لساعة .
2- وفي طاسة انزل زبدة وزيت يسخن انزل الرز واشوحة كويس اوي في المادة الدهنية لغاية ميسخن كويس ويفلفل يعني يسيب من بعضة وانزلة البصلة واشوحها معاه واعطيهم ملح وفلفل وبهارات وقرفة علي قدهم واشوحهم مع بعض اول مالبصل تدبل اطفي واسيبة يبرد.
3- في طاسة تاني انزل زبدة وزيت وانزل مستكة اول متسيح انزل القوانص واعطيها تشويحة اول متدخل في السوا وتغير لونها انزلها الكبد واشوحها معاها المهم ان مقلبش كتير عشان متتكسرش واول متلونها يتغير انزل الثوم واشوحهم لغاية مريحتة تظهر انزلها ملح وفلفل وقرفة وبهارات علي قدها واقلبهم اول ميخدو لون حلو يبقا تماما واسبهم يبردم .
4- امزج الرز مع الكبد والقوانص وممكن من غير الكبد والقوانص ويكون رز بس و وابتدي احشي من عند الرقبة افتحها وانزل الحشوة وبراحة عشان متتقطعيش الجلد واحشي لغاية متلاقي البطن اتملت وابدئي تبططيها بايدك عشان مينفجرش وهو في الشوربة بعد مخلصتي حشو اقفلي الرقبة بالخلة وكمان البطن .
5- في حلة نزلي الزيت وشوحي الحمام في الزيت اول متاخد لون انزل مية سخن وجزر شرائح وطماطم وبصل ولورا وحبهان واسبها تغلي واغطي عليها واهدي النار خالص لغاية ميستوي اخرجة وياما احمرهم في الزيت او ادهنهم بالكاتشب وادخلهم الفرن تحت الشواية لغاية مياخد لون .
ليست هناك تعليقات:
إرسال تعليق