الفطير الحلو الدمياطي 

المقادير :
4كوب دقيق 
رشة ملح
ماء للعجن 
للفرد :
 سمنة علي زيت او زبدة علي زيت 
للحشو :
قشطة كدابة 
للتزيين :
سكر بودرة 
جوز هند عريض 
مكسرات 
زبيب
مربي

شاهد ايضا : طريقة عمل الفطير المشلتت الفلاحي 


الطريقة :
1- في العجان انزل الدقيق والملح واقلبهم كويس وانزل بالمية وحده وحده لغاية متلم معايا وافضل اعجن فيها كويس مده 10دقايق كاملة لغاية متبقا ناعمة جدا سبيها في بولة ادهنيها زيت وغطيها وسبيها حوالي 4 او 5 ساعات ترتاح كويس .
2- قسمي الكور بتاعتك تكون بحجم متوسط او طبعا حسب الرخامة اللي هتفردي عليها وحسب كمان الحجم اللي حباه سبيهم نص ساعة متغطيين يرتاحم كويس عشان نبدء نشتغل فيهم ونجهز بقيت الحاجة .
3- في طاسة سخنة فيها نقطة زيت ابدء انزل الجوز الهند واعطيلو لون دهبي حلو كده عشان يكون شكلو حلو واشيلو وانزل المكسرات واعطيهم تحميصة حلوة واسبهم علي جمب يبردم خالص .
4- اخ اول مكورة ادهن زين علي الرخامة وابدء افرد العجينة الاول افردي الاطراف بالنشابة وابدئي بايدك وافردي وتكون الاطراف رقيقة وده الاهم وتخدي من جوة برة رققيها ع قد متقدري لو اتقطع منها حتة مفيش مشكلة خالص ادهنيها سمنة ع زيت سايحين وادهني بسيط واقفليها زي المربع وسبيها علي جمب وهاتي قطعة تانية وبنفس الطريقة افرديها رقيق خالص تكوني شايفة الرخامة من تحتها ادهني ونزلي اللي طبقطيها علي بداية طرف العجينة المفرودة من جوة شوية تكون قريبة من الطرف بعقلتين صوباع ونزلي القشطة بتاعتك واتني الطرف الي جمب القطعة اللي عليها القشطة والطرفين اللي في الجمب والطرف الاخير تكون زي المربع والجوانب اللي خرجة من الزوايا دخليها لجوة تكون زي الدايرة نزليها صنية مدهونة زيت حفتها منخفضة وادهني الزش ودخليها فرن سخن جدا علي اعلا درجة ولو الشواية بتشتغل مع الفرن ولعيهم مع بعض وحطي الصنية في الارضية لغاية متاخد لون من تحت ومن فوق لو مش بيشتغل يبقا في النص واول متاخد لون من تحت اقلبيها براحة خالص تاخد لون من الجمب التاني واول متخرج رشي علي الوش زيت شوية حلوين كده لي الوش كلو ده بعد متقلبيها علي وشها تاني .
5- بعد متهدا شوية بالنخل رشي السكر وحطي مربي وجوز هند وزبيب بقا والمكسرات وبالف هنا وشفا حلوة جدا ممكن تسقيها عسل علي الوش كده حسب رحتك .