تارت جبنة بالعجين 

المقادير :
للعجينة :
6 كوب دقيق 
2كوب ماء دافيء 
نصف كوب زيت 
6ملعقة كبيرة لبن بودر 
ملعقة كبيرة ونصف خميرة 
ملعقة كبيرة ونصف سكر 
ملعقة كبيرة بيكينج بودر 
2بيض
رشة ملح
للحشو :
كوب جبنة كريمي 
2كوب جبنة شيدر ومونزاريلا 
نصف كوب زيتون شرائح
نصف كوب فلفل اخضر 
ملعقة كبيرة زعتر 
خليط الدهن :
اصفر بيضة 
رشة قهوة سريعة الذوبان 
ملعقة صغيرة سكر 
ملعقة صغيرة خل 

شاهد ايضا : طريقة عمل فطيرة الكريسماس للشيف فاطمه ابو حاتي

الطريقة :
1- في بولة انزل الخميرة ونص كمية السكر وقلبيهم ونزلي ربع كوباية مية دافية وقلبيها وسبيها لغاية متلاقي الخميرة فارت وعت يبقا هيا كده جاهزة .
2- في العجان وممكن تعجني ع ايدك طبعا نزلي الدقيق والملح وببقيت السكر والبيكينج بودر واللبن البودر وقلبي المكونات مع بعض كويس اوي .
3- نزلي الزيت وبيضة كاملة  وبياض بيضة والصفار سبيها علي جمب واعجني كويس اوي ونزلي الخميرة بعد مفارت واعجني كويس اوي لغاية مكل المكونات تختلط انزلي بالمية بقا لغاية متلاقي العجينة لمت وبقت طرية افضلي اعجني فيها لغاية متبقا ناعمة خالص وسبيها وغطيها لغاية متخمر بعدها قسميها 4كورات  واسبهم 10دقايق يرتاحم .
4- افردي العجينة بسمك نص سنتي ونزليها سكنيها كده في قالب التارت واقطعي الزيادات  واعمللها فتحات بالشوكة عشان متقبش وهاتي العجينة التانية افرديها بنفس السمك وقطعيها شرايط ادهني بقا التارت بالجبنة ورشي مونزاريلا وشيدر وزتون وفلفل اخضر وابرمي الشرايط وغطي بيها وش التارت وسبي فراغ صغير جدا الزقيها ع الاطراف حلو جدا واقطعي الزيادات وسبيها تخمر تاني  واخلطي البيض والسكر والقهوة والخل وقلبيهم وادهني بيهم الوش ودخليها فرن سخن جدا علي 200علي الشيكة لمده 10دقايق تاخد لون حلو من تحت ومن فوق واعمل الوصفات بنفس الطريقة وبالهنا .