قرص طرية باللبن الرايب
المقادير :
كيلو دقيق
كوب زيت علي سمنة
كوب لبن رايب
ربع كوب ماء دافيء
ملعقة ونصف كبيرة سكر
ملعقة ونصف كبيرة خميرة فورية
3ملعقة كبيرة لبن بودرة
2ملعقة كبيرة قشطة
باكو بيكينج بودر
رشة ملح
شاهد ايضا : طريقة عمل القراقيش
الطريقة :
1- في بولة انزل الدقيق ويكون منخول وانزل الملح والبيكينج بودر واللبن البودر واقلبكل المكونات الجافة مع بعض .
2- علي ربع كوب الماء انزل السكر والخميرة واقلبهم واسبهم يختمرو كويس وانزلهم علي الدقيق والقشطة واللبن الرايب واقلب كل المكونات مع بعض لغاية متكوني عجينة يدوب تلم واغطيها واسبها في مكان دافيء تختمر .
3- بعد متختمر اقشمها كور قد اللمونة الكبيرة وارصها علي صنية واغطيها واسبها ترتاح 10دقايق واخد اول واحده كورتها وافردها بسمك نصف سنتي وارصها علي صنية الومنيوم وانا بفضلها جدا في المخبوزات واسبها تخمر تاني .
4- ممكن بقا تحشيها عجوة ممكن تحشيها جبنة كريمي عاوزة تسبيها ساده كل ده حسب رحتك وبعد ميخمرو ادخلهم فرن متسخن من قبلها علي 200علي ارضية الفرن اول متاخد لون اطلعها تحت الشواية تاخد لون وتكون علي الهادي لو الاتنين بيشتغلو سوا هدي الشواية وخليها تاخد لون وخرجيها غطيها عشان تفضل طرية .
ليست هناك تعليقات:
إرسال تعليق