مفتقه 

المقادير :
كيلو ونصف عسل اسود
كوب زيت 
2ملعقة كبيرة دقيق 
ملعقة كبيرة حبة البركة 
2عصير ليمون 
نصف كوب سمسم 
كوب فول سوداني
ربع كوب جوز هند
2ملعقة كبيرة محوجة مفتقة 
ربع كوب الحبة الخضرا مطحونة 

شاهد ايضا : طريقة عمل المحوجة (اللقمة الصفرا )

الطريقة :
1- في حلة الومنيوم ولازم تكون الومنيوم وحلة كبيرة عشان لو فارت لا قدر الله ميحصلش حاجة  .
2- في الحلة انزل العسل وفي طاسة انزل فيها الزيت يسخن انزل الدقيق واقلب لغاية ميبيض وانزل الفول والسمسم والجوز الهند والمحوجة واقلب لغاية متطلع ريحتهم انزلهم علي العسل .
3- انزل بقا العسل علي النار واقلب فيهم كويس مع بعض واول ميبتدو يغلم ويعملو فقعات من الجوانب اهدي النار وافضل اقلب لغاية ميبتدي يفور ويعلي انزل اللمون مع التقليب المستمر وافضل جمبها اقلب كويس فيها مسبهاش لان لو سبتها هتتلسع وتتحرق وافضل اقلب لغاية متربط اعرف ازاي انها استوت هتتقل وتشيلي المعلقة تلاقيها بتنزل خليط رفيع مش بتتسقط اطفي.
4- في ربع كوب زيت علي النارتسخن كويس  انزل الحبة الخضرا واشوحها اول مريحتها تظهر اصفيها اخد الزيت بتعها بس انزلة علي وش المفتقة  وانزل حبة البركة واقلبها كويس اسبها تهدا بس وفي برطمانات ازاز نضيفة وناشفة جدا وانزلها لو سبتيها بردت هتلزق في الحلة ومش هتعرفي تطلعيها وهتتعبك جدا واول متبرد في البرطمان سبيها تبرد خالص غطيها ودخليها التلاجة تسقع واول متحتاجي تاخدي منها لازم المعلقة تكون نضيفة وناشفة جدا وبالهنا .