برجر الفراخ

المقادير :
كيلو فراخ مخلية 
نصف كوب بقسماط مطحون 
2كيس بهارات برجر جاهزة او 2ملعقة  كبيرة بهارات برجر ابو حاتي 
ملعقة كبيرة ملح
ملعقة صغيرة سكر 
ملعقة صغيرة بابريكا 
نصف ملعقة صغيرة فلفل اسود
للتقديم :
عيش برجر 
شرائح طماطم
شرائح بصل رفيعة مكرملة 
شرائح جبنة شيدر 
كاتشب 
مايونيز
مستردة 

الطريقة :
1- عندي كيلو فراخ صدور واوراك مغسولة كويس ومنقوعة في مية وخل 10دقايق واصفيها كويس اوي اوي ميبقاش فيها ولا نقطة مية لان المية هتخلي اللحمة تفك لازم تتصفا كويس اوي وافرمها في الكبة ناعم .
2- انزلها بولة وانزل عليها البهارات الجاهزة او اللي عملناها والبابريكا والملح والفلفل والسكر والبقسماط واعجن عجن كويس اوي مده 10دقايق العجن الكويس للبرجر بيخلي اللحمة تتماسك .
3- هاتي كيس سندوتشات افتحية وادهنية بالزيت وحطية ع مكبس برجر وابتدي نزلي اللحم واكبس بالمكبس وارصهم علي طبق وممكن كمان تلفية في الاكياس متشكل وارصهم علي طبق في الفليزر وممكن كمان تستخدمي غطا برطمان بالحجم اللي تحبية او علبة نستو فاضية واستخدمي الكيس للتشكيل والضغط كويس .
4- دخلي اللي عملتيهم اذا كان شكلتيهم ع اكياس او علي \طكبق حطي كطبقة وبين كل طبقة من البرجر كيس سندوتشات ودخليهم الفليزر يرتاحم مده ساعة واشوي بقا ع جريل او طاسة فيها شوية من الزيت يسخن كويس وابتدي اشوي وبعد متخلصي البرجر حطي العيش بتاع البرجر مكان الفراخ ياخد من طعمها وهاتي السندوتشات حطي مايونيز وكاتشب ومستردة والبرجر والشيدر والطماطم والبصل واقفلي من فوق وحطي خلة بزتونة هتخلي المكونات تتماسك وكمان هتعطي شكل حلو للسندوتش  وقدمي لاولادك.