ارز بالخلطة
4 كوب ارز بسمتي
8 كوب شوربة ساخنة
2مكعب مرق
4 ملعقة كبيرة سمنة
4ملعقة كبيرة زيت
4 ملعقة كبيرة سكر
4 ملعقة كبيرة عسل اسود
2 ملعقة كبيرة قرفة بودر
ملعقة صغيرة سبع بهارات
ملح
فلفل اسود
للكبدة :
كيلو كبدة فراخ
سمنة
زيت
ملعقة صغيرة قرفة
ملح
فلفل اسود
مكسرات
ملعقة كبيرة سمنة
شاهد ايضا : طريقة عمل الارز المدخن باللحم بطريقة الشيف فاطمه ابو حاتي
الطريقة :
1- في حلة انزل السكر وشوية صغيرة من المية واسيبة يتكرمل ويعطيني دهبي غامق اقلبة بهز الحلة عشان ميكتلش بعد متكرمل انزل الصوص صوص اللي نازل من الديك الرومي واكمل بالشوربة واراعي ان لكل كوب ارز بسمتي 2كوب شوربة وانزل السمنة والزيت واظبط الملح والفلفل وانزل قرفة والمكعب المرق والعسل الاسود واقلبة كويس واسيبة يغلي .
2- بعد مالمية غلت انزل الرز طبعا مغسول كويس ومنقوع نص ساعة واقلبة كويس واظبطلو الملح واغطية يغلي ويتشرب خالص علي الوش اوزع الزبيب واهدي علية خالص واسيبة لغاية ميستوي.
3- لعمل الكبدة انزل السمنة والزيت واسخنهم كويس انزل الكبدة واعطيها صدمة واقلب وبراحة خالص عشان متتهراش واقلب لغاية متغير لونها خالص انزلها القرفة والفلفل والملح واقلب لغاية متستوي واحمص المكسرات في معلقة السمنة تحميصة بس .
4- بعد مالرز استوي اقدمة وعلي الوش انزل الكبدة وارش شوية من المكسرات .
ليست هناك تعليقات:
إرسال تعليق