تشيز كيك ريد فيلفيت

المقادير :
كوب و1/3 دقيق
3/4 كوب سكر  ناعم
ملعقة كبيرة كاكاو خام
ملعقة كبيرة لون احمر جل
ملعقة صغيرة  ونص بيكينج بودر
ربع كوب زبدة طرية
نصف كوب زيت
نصف كوب لبن رايب
بيضة
ملعقة صغيرة فانيليا سائلة
ملعقة صغيرة خل
رشة ملح
للحشو :
200 جرام جبنة كريمي
3 ملعقة كبيرة سكر
بيضة
ملعقة صغيرة فانيليا سائلة

شاهد ايضا : طريقة عمل تشيز كيك بلاطريقة اليابانية بطريقة الشيف فاطمه ابو حاتي

الطريقة :
1- في بولة انزل الجبنة والفانيليا والسكر واخلط المكونات كويس جدا انزل البيضة واكمل خفيق لازم البيضة تحتفي خالص واسبها علي جمب .
2- لعمل الكيك في بولة انزل السكر والزبدة واخفقهم كويس لغاية ميبقا القوام عالي كريمي ولونة ابيض انزل البيضة والفانيليا واكمل خفق لغاية البيضة متختفي خالص مع الخفق انزل الزيت سرسوب رفيع والخل واخفق كويس جدا وانزل اللون الجل واخفق تاني .
3- في بولة انزل الدقيق ويكون منخول كويس اوي والبيكينج بودر ورشة ملح واقلبهم كويس اوي وانزل الكاكاو واقلب كويس جدا وابتدي انزل المواد الجافة شوية بشوية مع الخفق لغاية متاكد ان كل الدقيق اندمج واتخلط كويس اوي واشيل المضرب وبالمعلقة انزل الجوانب كده وانزل نص كمية الخليط في قالب مدهون ومبطن بالدقيق والقالب مقاس 24 وانزل الحشوة واوزع باقي الخليط علي الوش براحة كده وادخلة فرن سخن علي 170 علي الرف الوسطاني مده 40 دقيقة لغاية متستوي .