شوكليت شيبس 

المقادير :
شيكولاتة مطبخ اي نوع تفضلية 
معلقة كبيرة زيت 
مية دافية 
كيس تلاجة 

شاهد ايضا : طريقة عمل الشيكولاتة الصلبة الخام في البيت 

الطريقة :
1- هتكسري الشيكولاتة او تبشريها وتنزليها الكيس يكون نضيف ونزلي الزيت عليها وقلبيها واقفلي الكيس حلو اوي ونزليها مية دافية مش سخنة عشان متخرزش وسبيها تسيح خالص .
2- طلعيها وامسحي الكيس من اي مية يتمسح ويتنشف كويس ميبقاش فيه ولا نقطة مية ولو صغيرة وقصي حتة صغيرة خالص من الكيس .
3- علي ورقة زبدة متسبتة كويس وابدئي نزلي نقط جمب بعض وسبيها تتماسك شوية واتني الورقة طبقيها بالشيكولاتة ودخليها  علي صنية  في التلاجة وسبيها 10 دقايق تتماسك وخرجيها نزليها في طبق واحفظيها في علبة نضيفة وناشفة في التلاجة وبالهنا احلا شوكليت شيبس واحلا من الجاهز المهم نوع الشيكولاتة يكون نوع كويس وفاخر .