الزلابيه

المقادير :
2 كوب دقيق منخول
كوب وتلت ماء دافيء
2 ملعقة كبيرة بودرة كاسترد او نشا
2 ملعقة صغيرة سكر
رشة ملح
2 ملعقة صغيرة خميرة فورية 
للتزيين :
صوص شيكولاتة 
سكر بودرة 
عسل ابيض 

شاهد ايضا : طريقة عمل رموش الست بطريقة الشيف فاطمه ابو حاتي

الطريقة :
1- في بولة انزل الدقيق والملح والسكر والخميرة والكاسترد وده افضل مش متوفر يبقا نشا  واقلبهم مع بعض كويس .
2- ابتدي انزل بالمية شزية بشوية مع التقليب بالمضرب اليدوي لغاية متوصلي للقوام اللي لا هوا سائل ولا تقيل عجينة سايلة بقوام متوسط متماسك .
3- غطيها وسبيها تخمر وبعد متخمر هبطيها لازم تخرجي منها الهوا خالص هيطيها وربيها بايدك كده وهاتي زيت غزير يكون دافي وابتدي نزلي بايدك مدهونة زيت في العجينة وطلعي من بين ايدك العجينة وبمعلقة تغمريها في الزيت وتخدي من العجينة وكل مرة تاخدي عجينة تنزليها في الزيت الاول الزيت يكون دافي لغاية متخلصي التشكيل هيكون الزيت سخن .
4- متحوليش تملي الطاسة عشان بتكبر واول ميبقا لونها اشقر تطلعيها وتسبيها تبرد خالص وتقليها تاني في زيت سخن اوي واول متاخد اللون الدهبي الجميل تطلعيها ع ورق مطبخ وتزينيها بصوص بشيكولاتة او كراميل او سكر بودرة او عسل ابيض  ولو عاوزة تنزليها في عسل يبقا عسل تقيل مش خفيف لان الخفيف بيطريها حتي لو مقرمشة خالص .
5- العسل التقيل عبارة عن 2كوب سكر معاهم كوباية مية واسبهم يغلو 7دقايق ع النار وانزلهم معلقتين كبار عسل ابيض واول ميغلم اطفي .