جاتوه فانيليا
3/4 كوب دقيق
3/4 كوب سكر
4بيضة
ملعقة صغيرة فانيليا
ملعقة كبيرة خل
2ملعقة كبيرة زيت
نصف ملعقة صغيرة بيكينج بودر
رشة ملح
الكريمة :
ربع كيلو شيكولاتة بيضاء
نصف كوب لبن
2كوب كريم شانتية
2كوب لبن مثلج
كوب سكر بودرة
3كوب فراولة مكعبات
للتزيين :
شرائح كيوي
كريز
اشكال شيكولاتة دارك
شاهد ايضا : طريقة عمل الجاتوة شاتوة بالفانيليا بطريقة الشيف فاطمه ابو حاتي
الطريقة :
في بولة انزل البيض والفانيليا واخلطهم افك البيض وانزلة السكر واخلط لغاية مالقوام يبقا كريمي وهش ولونة ابيض وبعدين انزل الزيت والخل واخلط كويس اوي لغاية ميختلطو مع بعض .
2- في بولة انزل الدقيق والملح والبيكينج بودر واقلب كويس اوي اوي التقليب الكويس بتضمني بيه توزيع البيكينج بودر عشان كلة يبقا علو وواحد لما يتوزع كويس .
3- انخل الدقيق علي الخليط مع الخفق علي اقل سرعة انزل شوية بشوية لغاية ميختلطو وبالمعلقة انزل الحواف واتاكد ان كل المكونات اختلطت والدقيق اختلط وفي صنية مستطيلة مدهونة ومبطنة دقيق او مفروشة ورق زبدة صنية مقاس 35 في 25 وادخلها علي فرن سخن جدا علي 170 مده ربع ساعة الي 1/3 ساعة بعد 12 دقيقة ابتدي اختبريها من النص لغاية متستوي وقبل مدخلها اضربها ضربتين كده وادخلها الفرن .
4- علشان هنعمل جاتوة لازم نعمل 3طبقات يعني هتعملي الخطوة دي 3 مرات كل مواحدة تستوي تعملي التانية وتدخليها وهكذا واوعي تعمليهم التلاتة وتسبيهم بره يبوظو لا تعملي واحدة تدخليها ع طول تستوي تعملي التاني وهكذا لغاية ميبقو جاهزين وفي الاخر تسبيهم يبرد خالص .
5- نعمل الكريمة هنجيب بولة نزلي فيها الكريم شانتية والسكر واضربيهم بالمضرب كويس جدا مده مش اقل من 7دقايق لغاية مالقوام يعلي ويجمد كل متضربي اكتر كل مالقوام هيعلا وهنغلي لبن واول ميدفا ننزل فيه الشيكولاتة واقلب لغاية متسيح خالص وانزلها علي الكريمة واخفق تاني كويس لغاية مكلهم يمتزجو .
6- اخد اول راق وانزل عليها كريم شانتية واوزع مكعبات الفراولة وانزل الطبقة التانية وهكذا لغاية مخلص كل الطبقات واضغطي عليها من فوق عشان تطلعي اي كريمة زايدة من جوة ومن فوق حطي طبقة من الكريمة وافرديها وسويها كويس اوي وابدئي اقطعي الاطراف عشان تتساوا وبسكينة مشرشرة وابدئي اقسمي نصين وقطعي بالحجم اللي تحبية وكل مرة تقطعي تبلي السكينة في مية سخنة وتمسحيها بمنديل عشان لو معملناش كده هنبوظ الدنيا وزيني بالكريم شانتي وردات وكريز وكيوي واشكال الشيكولاتة دي سيحناها ونزلناها في كورنية وشكلنا اشكال ع ورقة زبدة ودخلناها التلاجة او لالفليزر واقدمة بالهنا بس افضل يدخل التلاجة يتماسك شوية .
ليست هناك تعليقات:
إرسال تعليق