فطير شرقي 

المقادير :
كيلو دقيق جميع الاستخدامات 
2كوب ونصف ماء 
ملعقة صغيرة ملح
2 ملعقة كبيرة سكر 
للحشو :
لحمة معصجة 
بسطرمة 
ميكس شيدر ومونزاريلا 
فلفل مكعبات صغيرة 
زيتون اسود حلقات 
للدهن :
 كوب زبدة علي زيت سايحين 

شاهد ايضا : طريقة عمل الفطير المشلتت الفلاحي بطريقة الشيف فاطمه ابو حاتي 

الطريقة :
1- انزل الدقيق في العجان او ع ايدك وانزل الملح والسكر واقلب المكونات الجافة مع بعض وانزل بالمية وحده وحده لغاية متلم معايا عجينة لا هيا لينة اوي ولا ماسكة تبقا متوسطة الليونة بعد متلم وبقت تمام تعجنية كويس اوي لمده متقلش عن 10دقايق الفطير بيحب العجن ولازم تبقا ناعمة .
2- اجيب طبق وادهنة كويس بالزيت واقسم العجينة كرات قد البرتقانة البلدي الصغيرة وابلهم في الزيت وارصهم جمب بعض واغطيهم كويس واسبهم نص ساعة ترتاح .
3- بعد مرتاحت كويس اخد وحدة وادهن الرخامة بتعتي بالزبدة والزيت المخلوطين وافرد العجينة بايدي افرد من جوة لبره براحة خالص واشدها من الجوانب لغاية مرققها تعرفي ازاي انها بقت جاهزة اول ملاقي الرخامة من تحت العجينة بقت باينة ليا خالص ادهن وش العجينة وابتدي من الاطواف اعملي اطراف من النحيتين اعمليهم قصاد بعض وفي النص حطي الحشوة اللي موجوده معاها فلفل وزيتون وجبن واقفلي من فوق وادهني ومن الجنب ده وده وايدك تبقا فيها ماده دهنية واتني واتني من النحيتين وادهني واتني وهكذا لغاية متخلصي كل الاطراف هتلاقيها بقت مستطيل صغير .
4- اعملي كل الكمية بنفس الطريقة ورصيهم في طبق مدهون وغطيهم وسبيهم نص ساعة ترتاح وخدي من اول واحده وافردي المهم تكون ايدك مدهونة وابتدي ادهني طاسة تكون سخنة جدا وهدي النار وسوي ع الطاسة ولو عاوزاها وش بيتزا هاتي صواني ادهنيها ونزلي الفطاير وعلي الوش وزعي الفلفل والحشو والزيتون والجبن ودخليها فرن سخن علي 200 وولعي الارضية والشواية ممع بعض المهم ان الفرن يسخن اوي والنار عالية اوي 10دقايق وهتلاقيها خدت لون من فوق وتحت لو فرنك بيشتغل من تحت بس ولعي تحت لغاية متستوي ولعي الشواية ع الهادي لغاية متاخد لون  وقميهم .