بيتزا كاليزوني

المقادير :
العجينة :
3 كوب دقيق منخول
6 ملعقة كبيرة لبن بودر
رشة ملح
2 بيض
ربع كوب زيت
ملعقة كبيرة سكر
ملعقة كبيرة خميرة
ملعقة صغيرة بيكينج بودر
كوب ماء دافيء للعجن
الحشو :
نصف كيلو صدور فراخ
3 كوب ميكس جبن
بصلة مفرومة
2 كوب مشروم شرائح
كوب فلفل الوان مكعبات
نصف كوب طماطم مكعبات
زيتون اسود شرائح
زعتر
بابريكا
ملح
فلفل اسود
صوص البيتزا :
3 ملعقة كبيرة صلصة
3 ملعقة كبيرة كاتشب
ملعقة كبيرة زعتر
ملعقة صغيرة ثوم بودر
ملعقة صغير بصل بودر
لدهن الوجة :
اصفر بيض
قهوة سريعة الذوبان
2 ملعقة كبيرة لبن
2 ملعقة كبيرة سمسم

شاهد ايضا : طريقة عمل البيتزا بطريقة الشيف فاطمه ابو حاتي 

الطريقة :
1- طاسة علي النار فيها مادة دهنية تسخن كويس انزل الفراخ وانزل الزعتر والبابريكا والفلفل واقلب من وقت للتاني اول متبتدي تدخل في السوا وتاخد لون نزلي البصل وشوحيهم ونزلي المشروم والملح وقلبيهم كويس مع بعض لمده دقيقة واشلهم من ع النار واسبها تبرد تماما .
2- لعمل العجينة نزلي الدقيق والملح والسكر واللبن والخميرة واقلب المكونات الجافة كويس وانزل بالزيت واخلطهم كويس انزل بيضة وبياض بيضة والصفار اسيبة لدهن الوجة واخلطهم مع بعض وبتدي انزل بالمية شوية بشوية لغاية متلم عجينة طرية واعجنها مده متقلش عن 10دقايق لازم تكون عجينة طرية جدا ومالسة ناعمة واغطيها واسبها تخمر في مكان دافيء .
3- بعد متخمر كويس خد جزء افردة ع رشة دقيق افرد بسمك نص سنتي واخلط الصلصة والكاتشب والزعتر والبصل الثوم البودر واقلبهم كويس وانزل عليها بجزء من الصوص علي العجينة افرد ع النص بس وافرد جزء من الحشو ع الصوص وفلفل الوان وزيتون وطماطم وجبن واقفل الجزء الفاضي علي المليان واقفل من الاطراف احطها علي صنية مدهونة زيت واكمل الكمية بنفس الطريقة واعمل فتحات من ع الوش بالسكينة شرايط كده  واسبها تخمر تاني واخلط صفار البيضة باللبن والقهوة واخلطهم وادهن براحة خالص الوش عشان تحافظ ع التخمير وارش السمسم وادخلة فرن يكون سخن اوي وعلي نار عالية لو الفرن بيشتغل من فوق وتحت نزلي الشبكة شوية وسبيها 10دقايق واخليها تاخد لون من تحت وفوق لو بيولع من تحت حطي ع الشبكة واول متاخد لون من تحت افتح الشواية ع الهادي لغاية متاخد لون حلو اخرجها واقدمها احلا بيتزا .