رموش الست
المقادير :
2كوب دقيق
نصف كوب سكر بودرة
نصف كوب زيت
نصف كوب سمنة بدرجة حرارة المطبخ
نصف كوب جوز هند ناعم
نصف كوب دقيق سميد ناعم
بيضة وبياض بيضة
2ملعقة كبيرة لبن بودر
ملعقة صغيرة فانيليا
ربع ملعقة صغيرة بيكينج بودر
رشة ملح
للوش :
صفار بيضة
ملعقة صغيرة فانيليا سائلة
نقطتين خل
للشربات :
2كوب سكر
2كوب ماء
ملعقة صغيرة عصير ليمون
شاهد ايضا : طريقة عمل الزلابية بطريقة الشيف فاطمه ابو حاتي
الطريقة :
1- هاتي طاسة الومنيوم او حلة وحمصي فيها اللبن البودر واوعي تسبية لازم تقلبية كويس ع طول ايدك فيه لغاية ميتحمص وياخد لون دهبي حلو مايل للبني وسبية يبرد خالص.
2- في بولة نزلي السكر والسمنة وقلبيهم كويس ممكن بالمضرب اليدوي يمتوجو بس ونزلي البياض والبيضة والفانيليا وقلبيهم مع بعض كويس .
3- في بولة تانية نزلي السميد والدقيق وجوزة الهند واللبن البودر والبيكينج بودر والملح وقلبي بقا كويس ونزليهم علي الخليط السائل وقلبي بقا لغاية متلم معاكي عجينة هيا مش هتبقا متماسكة لكن بتشكليها بتتشكل حلو .
4- هاتي بقا صواني الومنيون وادهنيها زيت حلة وابدئي كوري واعمليها بيضاوية واسحبيها من النحيتين بشكل العين كده ورصي وسيبي بين كل واحدة والتانية مسافة وحطي علي صفار البيضة الفانيليا والخل وروبيهم وادهني الوش وبالشوكة واعملي شكل علي الوش سحبة بسيطة بيها كده ودخليها فرن يكون سخن جدا علي 180 ولو فرنك بيولع من تحت والشواية حطيها علي الرف الوسطاني وولعي الشواية وهديها خالص لغاية متاخد لون من تحت ومن فوق .
5- عما تتعمل الرموش حطي في حلة سكر ومية وقلبيهم دوبي السكر وحطيهم علي النار لغاية ميغلم مع بعض اول ميغلم نزلي اللمون وسبيها تغلي غلوتين واول متخرج الرموش سخنة ونزلي عليها الشربات وغطيها بالفويل 10دقايق وقدميها بالف هنا .
ليست هناك تعليقات:
إرسال تعليق