ديك رومي

المقادير :
للحقن :
2 ملعقة كبيرة كاتشب 
2 ملعقة كبيرة عسل نحل 
كوب عصير برتقال
2ملعقة كبيرة بصل بودر
2 ملعقة كبيرة ثوم بودر
رشة حبهان
ملعقة كبيرة ملح
فلفل اسود
للتتبيلة :
1 بصلة ارباع
1طماطم ارباع
2ملعقة كبيرة كاتشب
2 ملعقة كبيرة بصل بودر 
2ملعقة كبيرة ثوم بودر 
ملح
فلفل اسود
للبوكية جارنية :
طماطم شرائح
بصل شرائح
جزر شرائح
كرفس شرائح
فصوص ثوم شرائح
كيس حراري كبير 

شاهد ايضا : طريقة عمل الارز بالخلطة بطريقة الشيف فاطمه ابو حاتي 

الطريقة :
1- في بولة انزل للحقن الكاتشب والعسل والبصل والثوم والملح والفلفل والحبهان والبرتقال واقلبهم كويس واصفيهم وابتدي اخد بالحقنة الكبيرة اكبر مقاس اسحب وابتدي احقن في كل منطقة الصدر والافخاد اعطيلو كام حقنة حلوة والتصفية دي كويسة عشان تشيل اي رواسب .
2- في الخلاط انزل البصل والطماطم والكاتشب والملح والفلفل والبصل والثوم  وافرمهم واخد منهم واتبل الديك من جوة وبرة وتحت الجلد اتبلة كويس اوي  وابطن الكيس بالدقيق والزيادة انزلها انا بس مش عاوزة الديك يلزق في الكيس وادخلة الكيس ومعاه كل الخضار واقفلة واسيبة يوم في التتبيلة .
3- تاني يوم اطلعة واحطة في صنيية  وتحتة 4كوب مية مغلية واغرز الكيس بسكينة رفيعة عشان يطلع البخار ومينفجرش وادخلة فرن سخن علي 200 علي الارضية  يغلي كويس واطلعة علي الرف الوسطاني واهدي النار واسيبة علي نار هادية بياخد من 4الي 5ساعات  من بعد 3ساعات باشرية هتعرفي ازاي انو استوا من الجناح وهوا جوة ادوس علية لو صوباعك غرز يبقا تمام استوا لسه سبية لكل كيلو من الديك الرومي نص ساعة تسوية  هيطلع مستوي ومتحمر وطري وزي الفل وبالهنا قدمية مع الارز بالخلطة