الفسيخ

المقادير :
كيلو بوري حجم كبير 
للتخليل : 
كوب ملح خشن
ملعقة كبيرة سشطة 
ملعقة كبيرة كركم

الطريقة :
1- هاتي بوري يكون طازة مش بايت في تلج خالص ويكون عينة بتلمع وخياشيمة لونها احمر غامق واغسلية كويس اوي من بره ومن عند الخياشيم بصوباعك ونزلي اي رمل او دم وهاتي مصفا وسبية يتصفا خالص من اي مية وياريت لو تكوني موقفاه راسة لتحت عشان لو فيه اي مية او دم او شوائب تنزل .
2- هاتي البوري بعد متصفا خالص ونشفية من بره ومن عند الخياشيم بالمناديل لغاية متلاقي المناديل بقت ناشفة ونضيفة خالص مفيهاش اي مية ولا دم عشان المية بتبوظ السمك واعملي للسمك مساج بايدك لغاية مالفص يبقا لين خالص وطري المهم العضمة متتكسرش خالص بعد متخلصي كميتك اخلطي الملح والكركم والشطة ممكن تشتني عن الكركم والشطة وممكن الكركم بس او الشطة بس حشب رغبتك لكم الملح اساسي .
3- احشي الخياشيم من الجهتين وةمنطقة الفم امليها خالص خلصي الكمية بنفس الطريقة وملحي من عند الجلد وهاتي كيس بلاستيك كبير اكبر من حجم السمك ورشي في الكيس طبقة ملح ممكن كمان علبة نضيفة المهم تكون كل حاجة بتستخدميها نضيفة والكيس وايدك والاطباق لمنع اي ميكروبات وابدئي رصي السمك كل واحدة عكس التانية ورشي عليهم طبقة ملح ولو كميتك كبيرة زودي كمية الملح المهم يتغطا بالملح كويس .
4- ابدئي خرجي الهوا خالص من اي هوا خالص الهوا بيعمل تسمم لقدر الله ودخليسة من المنطقة المفتوحة في شنطة تانية وخرجي منها الهوا ولفي وابرمي فية ودخلي في شنط 8 او 9 شنط وقفلي باستريتش لو مفيش بلزق كبير والزقي اكتمية خالص ميوصلوش اي هوا ولا يبقا فيه اي هوا واخده احطة علي صنية وادخلة في فرن البتوجاز او اي مكان دافي ضلمة مفيهوش اي نور ولا حرارة يعني لو في الفرن بلاش يتفتح علية ولا يتولع الفرن وكل يومين اقلبة براحة خالص لمده 12ال 15 يوم  وابدء افتح علية وبالهنا .