سكالوب بانيه
المقادير :
نصف كيلو بفتيك شرائح
للتتبيلة :
كوب ماء بصل
ملعقة كبيرة كاتشب
2 معقة كبيرة خل
رشة سكر
ربع ملعقة صغيرة بهارات سبعة
ربع ملعقة صغيرة ثوم بودر
ملح
فلفل اسود
للتغطية :
كوب بقسماط
نصف كوب نشا
2 بيض
2 ملعقة كبيرة لبن
نصف كوب دقيق
للصوص :
ملعقة كبيرة دقيق
كوب لبن
ملعقة كبيرة زبدة
كوب جبنة شيدر
الطريقة :
1- اخد قطعة البفتيك وبين كيسين سندوتشات مفتوح وابدء ادقها افردها بس عشان تستوي بسرعة وتكون طرية وبعد مخلص كل الكمية بنفس الطريقة :
2- في بولة انزل مية البصل والكاتشب والخل والسكر والبهارات وملح وفلفل واقلبهم وانزل فيهم البفتيك واقلبهم واغطيهم واسبهم يوم كامل في التلاجة او اقل حاجة 4 ساعات .
3- بعد متبلت اللحمة ابدء اعمل الكافر اجيب طبق انزل البيض واللبن وملح وفلفل واربهم وفي طبق دقيق بس وفي طبق البقسماط والنشا وملح وفلفل واقلبهم مع بعض كويس وانزل قطعة قطعة في الدقيق وانزل علي البيض باللبن وعلي خلطة البقسماط والنشا وهكذا مع باقي القطع .
4- بعد مبغطي علي طبق كبير علية كيس سندوتشات مفتوح وابدء ارص وبين كل طبقة كيس سندوتشات لمنع القطع بالاتصاق وادخلهم الفليزر مده ساعة وممكن كمان نفرزهم لرمضان مش هيحصلة اي حاجة خالص وهيكون جميل جدا .
5- بعد مخرج القطع اللي هسويها من الفليزر واسخن زيت كويس اوي واخلي النار متوسطة وانزل البفتيك علي الزيت كل مالزيت يكون سخن جدا يبقا كده هتضمني نجاح الاسكالوب ومش هيفك خالص والكافر هيكون سابت ياخد لون دهبي واقدمة بلاش تقليب كتير واول مياخد لون دهبي اقدمة علي طبق .
6- لعمل الصوص في حلة انزل الزبدة والدقيق واقلبهم مع بعض اول ميستوي الدقيق انزل لبن ساقع مع التقليب المستمر لغاية ميفك ورشة ملح وفلفل بسيطة اول ميغلي انزل الجبنة واطفي النار واقلب لغاية متسيح خالص واقدمة بجانب الاسكالوب بانية وبالهنا .
ليست هناك تعليقات:
إرسال تعليق