انجليش كيك
200 جرام زبدة طرية
كوب سكر ناعم
نصف كوب لبن
5 بيض
2 كوب دقيق
ملعقة كبيرة بيكينج بودر
ملعقة صغيرة فانيليا سائلة
ملعقة كبيرة خل
رشة ملح
نصف كوب زبيب
نصف كوب عين الجمل
شاهد ايضا : طريقة عمل كيكة الجزر بطريقة الشيف فاطمه ابو حاتي
الطريقة :
1- في بولة انزل بالزبدة والسكر واخلط المكونات مع بعض لغاية مالقوام يبقا هش وناعم ولونة فاتح انزل علي البيض الفانيليا وانزل ببيضة بيضة مع الخفق كل بيضة لازم تختفي خالص قبل منزل التانية وانزل الجوانب قبل كل ضربة عشان الزبدة تقيلة وبتكون لزقة في الجوانب.
2- بعد مالبيض كلو اختلط هنزل مع الخفق باللبن سرسوب رفيع لغاية ميختلطم انزل الخل واخفق لازم المكونات تختلط كويس اوي مع بعض اخلط الدقيق والبيكينج بودروالملح والعين الجمل والزبيب واقلب المكونات دي كلها مع بعض وانزل بالدقيق واقلب المكونات بقا كلها مع بعض لغاية ميختلطو كويس اوي .
3- في قالب انجليش كيك مدهون زبدة ومبطن بالدقيق انزل بالخليط واسيب 1/3 القالب فاضي وادخلة فرن سخن جدا علي 180 درجة مده 40دقيقة واتبرها قبل مخرجها من النص بخلة لو استو يبقا تمام لو مستوتش لسة اسبها دقايق واخرجها اقدمها .
تسلم أيديكم وياريت طرق البيتيفور والبسكوت
ردحذفتسلميلى ياحبيبتى
حذفودى طريقة البيتيفور
المقادير :
2كوب دقيق
كوب زبدة بدرجة حرارة المطبخ
نصف كوب سكر بودرة
صفار بيضة
رشة صغيرة ملح
ملعقة كبيرة كاكاو خام
ملعقة صغيرة فانيلبا
المقادير للكيلو :
كيلو دقيق
كيلو الا ربع زبدة
2كوب وربع سكر بودرة
4صفار بيض
ملعقة صغيرة فانيليا
ربع ملعقة صغيرة ملح
3ملعقة كاكاو حسب الرغبة
الطريقة :
1- اضرب الزبدة والسكر وهفضل اضرب فيهم لغاية ميبيضم خالص ويكونو زي الكريمة وانزل البيضة والفانيليا مع الضرب المستمر لغاية ميندمجو كويس .
2- انزل الدقيق ورشة الملح واهدي السرعة واخلطهم كويس جدا واجيب كيس حلوانبي اخد نص الكمية واشكلها في صواني الومنيوم الشكل المناسب وباقي المقدار اخلط معاهم الكاكاو وانزلة في كيس الحلواني وبنفس الطريقة اشكلة .
3- ادخلهم فرن سخن علي 180درجة علي الرف الوسطاني من ربع ساعة الي 20دقيقة لتمام السوا ومتحركيهوش الا لما يبرد خالص .
4- زيني بقا بالمربي بس تكون مطحونة خالص مفيهاش اي قطع وابدء الزق البيتفور في بعض وزيني بشيكولاتة او بمربي وفورماسيلو او شيكولاتة ومكسرات او جوز هند التزيين ده زوقك انتي وحسب امكانياتك .
بسكويت نشادر
المقادير :
نصف كيلو دقيق منخول
ربع كيلو زبدة بدرجة حرارة المطبخ
كوب وربع سكر بودر منخول
2بيض بدرجة حرارة المطبخ
ملعقة صغيرة فانيليا
ربع كوب لبن بدرجة حرارة المطبخ
2ملعقة كبيرة نشا
ملعقة صغيرة ممسوحة بيكينج بودر
ملعقة صغيرة ممسوحة نشادر
الطريقة :
1- في العجان او الكبة او بالمضرب الكهربائي نولي الزبدة والسكر واخلطي لغاية مالقوام يبقا ابيض كريمي نزلي البيض والفانيليا واخلطي تاني لغاية ميخلطة كويس اوي .
2- في بولة نزلي الدقيق والبيكينج بودر والنشا والنشادر وواقلبهم لازم البيكينج بودر والنشاد يكونو ممسوحين عشان ميفرش منك في الفرن ويبقا الموضوع صعب المهم تختبري وحدة واو اتنين في الفرن اختبري قبل الكمية كلها متدخليها عشان تكون ضمنة النتيجة .
3- نزلي اللبن يمتزج كويس وابدئي في تنزيل المكونات الجافة وحدة وحدة واخلطيهم كويس اوي مع الزبدة والسكر والبيض واللبن واخلطيهم كويس اوي مع بعض وزي مقلنا اختبري وحدة او اتنين لو فرش منك معلقتين دقيق هيقضو الموضوع مصمكن كمان تستخدي بدل اللبن عصير برتقال وبشر برتقال هيبقا بسكوت بالبرتقال وبيتعمل بالقمع والمكنة عادي جدا .
4- بعد مختلط كل المكونات اعجنيها انتي بايدك تاني ونزلية في القمع او بالمكنة وابدئي شكلي بالبلبلة اللي تكون مبطنة وابدئي شكلي البسكوت بالطول اللي تحبية ودخلية فرن سخن جدا علي الرف الوسطاني علي 170 لغاية مياخد لون من تحت ومن فوق حلو وخرجية وقدمية بالهنا .
تسلموا وكل عام وانتم طيبين
ردحذفحبيبتى ربنا يخليكى تسلمى لزوقك
حذفزبدة نسيحها ولا زى ماهى واى نوع زبدة أفضل
ردحذفوتسلم ايديك شيف فاطمة
تسلم إيدك ياشيف فاطمة
ردحذفربنا يخليكى ياحبيبتى تسلميلى
حذفتسلم يا احسن شيف ياريت طريقة اللانكشير وشكرا
ردحذفتسلميلى ياحبيبتى
حذفودى طريقة اللانكشير
المقادير :
2كوب دقيق
كوب باردة
نصف كوب نشا
نصف كوب سكر
2بيضة
ملعقة صغيرة فانيليا
ملعقة صغيرة بيكينج بودر
رشة ملح
للتزيين :
جوز هند
بندق مفروم
سوداني مفروم
فورماسيلو الوان
مربي
شيكولاتة غامقة
الطريقة :
1- في بولة انزل السمنة والسكر واخفق بالمضرب لغاية مالقوام يكون باللون الابيض الكريمي .
2- انزل البيض والفانيليا مع الخفق والخليط بقا عالي جدا ولونة مبيض انزل رشة الملح واخفق يمتزج واطفي .
3- اخلط الدقيق بالبيكينج بودر واقلبهم وانزلهم بالنخل علي الخليط واقلب لغايه ميمتزج كلة مع بعضة .
4- اجيب صواني عليها زورق زبدة واشكل كور صغيرة قبة لفوق كده وارصها وخلاص خلصت الكمية وادخلها فرن سخن علي 170درجة وادخلها علي الرف الوسطاني بعد ربع ساعة .
5- بعد متبرد هاتي بقا وحدة وادهنيها مربي وحطي عليها وحده تانية واضغطي الزوايد هتطلع نزليها في جوز الهند او الفورماسيلو حسب المتوفر والتزيين حسب رحتك ممكن وحده اهدهنها شيكولاتة واضع عليها وحده تانية واضعط وانزلها في الفستق او السوداني وقدميهم والف هنا .
تسلم ايدك ياشيف وصفاتك كلها ماشاء الله
ردحذفبالنسبة للبيتيفور ال بالجرام ممكن اعرف السكر كام جرام لان حضرتك قولتي عيار السكر بالكوب
وممكن اعرف الكوب ال بتعايري بيه آد ايه
ردحذف